ساعدوني أريد ان اصلي لكن لا أعرف ( حارتلي )!!!!!!!

Admin المساهمات : 190 تاريخ التسجيل : 20/08/2009

السلام عليكم ورحمة الله وبركاته
تحية عطرة للإخوان الأعزاء والأخوات الكريمات

أبارك لكم قدوم شهر رمضان الكريم و ادخله الله علينا بالخير و البركات

انا صراحتا اريد ان استشيركم في موضوع اتمنى ان تجيبوني عليه بصراحة وانا رح نهدر معاكم بصراحة من غير ما نحشم
لا حياء في الدين
اولا انا عمري 18 سنة و عمري ما صليت و المشكلة ان امي و ابويا ما يصليوش بصح كما تعلمون نصومو ضروري
مثل كل الجزايريين و المسلمين لكن انا حبيت هذا العام نولي نصلي وقلت نبدأ في رمضان وكي رحت نهدر مع يما كيفاش نتوضى قالت لي صلي وسكتينا من الهدرة أنتي اللي تقراي ماش انا ورحت ندور على كيفية الوضوء في الأنترنت
ولقيت انو فيه وضوئين وحدة تقول بمسح الرجل كما في القرآن ووحدة تقول بغسل الرجل مخافة للقرآن لأنو هناك فرق كبير بين المسح و الغسل فرق بين السماء و الأرض و الآية تقول :

قال الله سبحانه وتعالى : { يا أيها الذين آمنوا إذا قمتم إلى الصلاة فاغسلوا وجوهكم و أيديكم إلى المرافق وامسحوا برؤوسكم و أرجلكم إلى الكعبين .........} سورة المائدة آية(6)

وربي هنا يخاطب المؤنين ويأمرهم يعني أمر إلاهي واول من يطبق كلام الله هو الرسول فهل يعقل ان الرسول يخالف رب العالمين ويرح يغسل ؟؟؟

يعني الرسول هو اول من يطبق كلام الله و انا بصراحة حارتلي و مافهمت فيها والو و البروبلام ان فيه في الأنترنت موضوع يقول توضئو كما في القرآن وكي دخلت فيه لقيتو موضوع نتاع صحاب لعمامات ياخذو دينهم من مذهب آل البيت
وحنا ناخذوه من الصحابة درك حابة نفهم هل أهل البيت هما الصح ولا الصحابة والله كي جيت نصلي اول مرة في حياتي
مالقيتش واين باب ندخل فيه ساعدوني يالخاوة و عندكم اجر عند ربي

» أعرف من تحب قبل فوات الأوان